Mari beta bilang se. Sebenarnya memang akang su lewat. Beta mau balas tapi beta suami larang. Cuma beta tangan gatal sa par mo tulis ini. Bukan par mau balas se pung sindiran, tapi beta mau terima kasih sebelumnya.
Awalnya memang beta update bagitu dengan jelas beta su tulis "bukan beta yang bilang loh". Lah, kok beta yang jadi sasaran ya?
🤣🤣🤣
Tapi makasih banyak lai su tulis bagitu e. Orang-orang jadi nilai ose belum move on sama beta suami. Enak di beta, dong. Beta suami masih ada yang harapkan tapi dia lebih pilih beta 🤣🤣🤣
Lalu to, mungkin memang seng ada orang yang sempurna ya. Segala sesuatu yang di beta badan ini Allah su ciptakan akang bagitu jua. Mungkin karena gen dari beta tete-tete deng nene-nene pada dasarnya su bagitu la akang turun ke beta lalu akhirnya beta pung kaki pende tar ada potongan. Tapi sayangku, mari beta bilang. Kaki pende ini yang su tongka beta badan yang tar ada potongan ini par bajalang sampe dunia luar supaya bisa jadi lebe bae. Lagian, Alhamdulillah juga Beta seng punya tangan panjang par mau cari orang KTP supaya bikin kredit fiktif la mau bersaing gaya deng orang lain. Beta bukan orang yang baru tau uang gara-gara kaweng deng se mantan. Alhamdulillah dari kacil beta orang tua kas basar beta berkecukupan. Beta kerja sampe kas tinggal Ambon, dapa gaji puluh juta jua beta kasi tinggal akang karena beta mau dekat deng beta keluarga. Jadi jang taru kira kata beta mo kaweng deng se mantan gara-gara dia uang. Beta abis kaweng deng dia jua beta cari uang sandiri deng bajual pakean bayi supaya bisa par tongka-tongka. Lalu se mo bangga deng se pung cari kepeng deng keringat sendiri itu? Selamat gali-lobang-tutup lobang par pikir kredit sampe 26 taong jua tuang.
Dan terakhir beta bilang se. Soal cemburu yang se bilang itu. Seng ada sama sekali beta mau cemburu c pung kehidupan. Dari sisi manapun seng ada sama sekali. Lagian, kalo beta suami mau kaweng deng se kanapa dia seng dari dolo saja? Kan percuma pacaran sampe su itung taong tapi seng dinikahin. Beta jua pernah ada di se posisi, kawan. Mantan pacar kaweng labe kamuka memang saki. Tp beta seng bikin itu jadi perlombaan par beta hidup. Apalai mau bersaing deng mantan pung istri? Allah kasi beta waktu yang tepat par beta bakudapa beta suami. Eh, iya. Beta lupa lai. Kalo mau cemburu, beta cuma cemburu kenapa beta seng dapa kasi waktu lebe capat supaya bisa bakudapa beta suami tempo dan selamatkan dia dari orang macam se. Dan mari beta kasi tau lai e, biar se pi ke dukun terjago di belahan dunia manapun. Kalo Allah su kasi beta jodoh sama dia itu seng ada yang bisa ganggu gugat. Sama kaya se pung kaka yang se bangga-banggakan itu bilang to "orang baik akan dipertemukan dengan orang baik pula". Jadi kalo yang seng bae mending sadar diri tempo.
Beta mau bilang bagitu sa, tuang. Makasih banya-banya su bersikap kaya bagitu. Akhirnya beta suami pung keluarga bisa bandingkan beta jauh lebih baik dari se. Kapala basar memang, sayang. Dong bilang "untung babang ca seng kaweng deng orang kaya bagitu". Tp semoga itu seng bikin beta jadi jumawa. Alhamdulillah dong jadi tambah sayang beta karena se pung kedangkalan berpikir.
Makasih banya-banya su review beta kekurangan dalam hidup. Semoga itu jadi beta pung motivasi buat jadi labe bae. Dan selamat juga su kas unju kebodohan, keirihatian, dan keterbelakangan dalam segala hal sampe orang-orang bisa liat se pung kelebihan-kelebihan itu. 😊
Mohon maaf lahir bathin lai kalo tulisan ini bikin se tersinggung.
Karena memang tujuannya par itu.
🤗🤗🤗
Selamat bulan puasa ee...
No comments:
Post a Comment